នៅថ្ងៃនេះ តុលាការកោះហៅទណ្ឌិត សម រង្ស៊ី ចូលបំភ្លឺករណីប្រមាថព្រះមហាក្សត្រ
នៅថ្ងៃនេះ តុលាការកោះហៅទណ្ឌិត សម រង្ស៊ី ចូលបំភ្លឺករណីប្រមាថព្រះមហាក្សត្រភ្នំពេញ៖ ករណីប្រមាថព្រះចេស្តា ព្រះមហាក្សត្រ លោកសៀង សុខ ព្រះរាជអាជ្ញារង អមសាលាដំបូងរាជធានីភ្នំពេញ បានកោះហៅទណ្ឌិត សម រង្ស៊ី មេចលនាសង្រ្គោះជាតិ ឱ្យចូលបំភ្លឺនៅព្រឹកថ្ងៃទី១២ ខែកក្កដា ឆ្នាំ២០១៨នេះ។
សូមបញ្ជាក់ថា ករណីនេះ លោក អង្គ វង្ស វឌ្ឍនា រដ្ឋមន្ត្រីក្រសួងយុត្តិធម៌ បានធ្វើអធិបញ្ជាឱ្យតំណាង អយ្យការអមសាលាដំបូងរាជធានីភ្នំពេញចាត់ការតាមផ្លូវច្បាប់ ចំពោះលោកសម រង្ស៊ី ដែលប្រមាថ ព្រះមហាក្សត្រ ដោយចោទថា ព្រះរាជសាររបស់ព្រះអង្គ គឺក្លែងក្លាយ។
វិធានការរបស់ លោករដ្ឋមន្រ្តីក្រសួងយុត្តិធម៌ បានធ្វើឡើងស្របពេលដែលមានការងើបទាមទារឱ្យតុលាការកម្ពុជា ចាត់វិធានការឱ្យបានម៉ឺងម៉ាត់ តាមច្បាប់ ចំពោះទណ្ឌិត សម រង្ស៊ី មេចលនាសង្រ្គោះជាតិ ដែលបានប្រមាថថា ព្រះរាជសារព្រះមហាក្សត្រ ជាទីសក្ការៈ ចុះថ្ងៃទី១៨ ខែឧសភា ឆ្នាំ២០១៨ ដែលអំពាវនាវ ឱ្យប្រជាពល រដ្ឋទៅបោះឆ្នោត នាចុងខែកក្កដា ខាងមុខនោះ គឺជាព្រះរាជសារក្លែងក្លាយ និងគ្មានតម្លៃ ទោះបីជាព្រះបរមរាជវាំងចេញមុខប្រកាសថា ព្រះរាជសារនោះ ជាព្រះរាជសារពិតប្រាកដ មិនក្លែងក្លាយក៏ដោយ ៕
