សភាវិនិច្ឆ័យនៃទីក្រុង Philadelphia សហរដ្ឋអាមេរិក ផ្ញើលិខិតស្វាគមន៍ចំពោះដំណើររបស់លោក ហ៊ុន ម៉ាណែត មកកាន់ទឹកដីអាមេរិក
សភាវិនិច្ឆ័យនៃទីក្រុង Philadelphia សហរដ្ឋអាមេរិក ផ្ញើលិខិតស្វាគមន៍ចំពោះដំណើររបស់លោក ហ៊ុន ម៉ាណែត មកកាន់ទឹកដីអាមេរិកសភាវិនិច្ឆ័យនៃទីក្រុង Philadelphia, រដ្ឋ Pennsylvania សហរដ្ឋអាមេរិក បានផ្ញើសារលិខិតស្វាគមន៍ ចំពោះដំណើររបស់លោក ហ៊ុន ម៉ាណែត មកកាន់ទឹកដីអាមេរិក។
លិខិតរបស់លោក JANES M DeLEON ចៅក្រមនៃសភាវិនិច្ឆ័យនៃទីក្រុង Philadelphia, ចុះថ្ងៃទី២៤ ខែកញ្ញា ឆ្នាំ២០១៨ បានសរសេររៀបរាប់យ៉ាងដូច្នេះថា (បកប្រែក្រៅផ្លូវការ)៖
« ចៅក្រមនៃសភាវិនិច្ឆ័យនៃទីក្រុង Philadelphia, រដ្ឋ Pennsylvania សហរដ្ឋអាមេរិក
ជូនចំពោះ ឯកឧត្តម ឧត្ដមសេនីយ៍ឯក ហ៊ុន ម៉ាណែត
ខ្ញុំសូមស្វាគមន៍ដំណើរមកកាន់ទីក្រុង Philadelphia នៃរដ្ឋ Pennsylvania
ទីក្រុង Philadelphia គឺជាទីកកើតរបស់សហរដ្ឋអាមេរិក និងត្រូវបានគេស្គាល់យ៉ាងច្បាស់ថា ជាទីក្រុងពោរពេញដោយក្ដីស្រឡាញ់ក្នុងនាមបងប្អូន។ យើងមានកិច្ចសហប្រតិបត្តិការ យ៉ាងជិតស្និទ្ធជាមួយទីក្រុង Tianjin ដែលជាទីក្រុងមួយក្នុងចំណោមទីក្រុងធំៗទាំង៩ របស់សាធារណៈរដ្ឋប្រជាមានិតចិន »។
« សហគមន៍ខ្មែរប្រចាំ Philadelphia បានក្លាយជាផ្នែកមួយដ៏សំខាន់ និងសមាសភាពនៃការរួបរួម ដែលធ្វើឱ្យ Philadelphia កាន់តែមានភាពអស្ចារ្យថែមទៀត។ ដូច្នេះក្នុងនាមជាចៅក្រម នៃតុលាការទីក្រុង Philadelphia ជាតុលាការដ៏ចំណាស់មួយក្នុងរដ្ឋ Pennsylvania ដែលបានធ្វើប្រតិបត្តិការចាប់តាំងពីឆ្នាំ១៦៨២ មក ខ្ញុំសូមស្វាមគមន៍ដំណើរមកកាន់សហរដ្ឋអាមេរិករបស់ឯកឧត្ដម » ។
ពីខ្ញុំ, ចៅក្រម JAMES M DeLEON
