ខ្មែរប៉ុស្ដិ៍ Close

រដ្ឋបាលខេត្តព្រះសីហនុ​ ដឹកនាំកម្លាំងសំអាតជាបន្ទាន់នូវសំណល់កំប្លោកដែលអណ្តែតមកកកនៅឆ្នេរអូរឈើទាល

ដោយ៖ សន ប្រាថ្នា ​​ | ថ្ងៃព្រហស្បតិ៍ ទី១១ ខែតុលា ឆ្នាំ២០១៨ ព័ត៌មានទូទៅ 1862
រដ្ឋបាលខេត្តព្រះសីហនុ​ ដឹកនាំកម្លាំងសំអាតជាបន្ទាន់នូវសំណល់កំប្លោកដែលអណ្តែតមកកកនៅឆ្នេរអូរឈើទាលរដ្ឋបាលខេត្តព្រះសីហនុ​ ដឹកនាំកម្លាំងសំអាតជាបន្ទាន់នូវសំណល់កំប្លោកដែលអណ្តែតមកកកនៅឆ្នេរអូរឈើទាល

នៅព្រឹកថ្ងៃ​ ១កើត​ ខែ​អស្សុជ​ ឆ្នាំច​ សំរិទ្ធស័ក​ ព.ស​ ២៥៦២​ ត្រូវនឹងថ្ងៃទី១០​ ខែ​តុលា​ ឆ្នាំ​២០១៨​ រដ្ឋបាលខេត្តព្រះសីហនុក្រោមការដឹកនាំដោយលោក​ យន្ត​ មីន​ អភិបាលនៃគណៈអភិបាលខេត្តព្រះសីហនុ​ និងដោយមានការចូលរួមពីមន្ត្រីរាជការនៃមន្ទីរបរិស្ថានខេត្ត​ អាជ្ញាធរក្រុង​ កងកម្លាំងប្រដាប់អាវុធ​ រួមនឹងប្រជាពលរដ្ឋ​ប្រមាណជាង១០០​នាក់​ បានធ្វើការសំអាតជាបន្ទាន់នូវកាកសំណល់កំប្លោក​ ដែលបានអណ្តែតមកកកនៅតាមឆ្នេរអូរឈើទាល​។

សូមបញ្ជាក់ថា​ សំណល់កំប្លោកដែលរសាត់អណ្តែតមកកកតាមឆ្នេរដែលបងប្អូនប្រជាពលរដ្ឋមួយចំនួនបានសរសេរសាររិះគន់កន្លងមកនេះ​ រដ្ឋបាលខេត្តនិងអាជ្ញាធរពាក់ព័ន្ធបានធ្វើការសំអាតរួចរាល់អស់ហើយ​ ខណៈដែលឆ្លៀតក្នុងឱកាសនោះផងដែរ​ រដ្ឋបាលខេត្ត​ ក៏បានអំពាវនាវដល់ប្រជាពលរដ្ឋ​ ជាពិសេសម្ចាស់អាជីវករលក់ដូរ​ សូមចូលរួមសំអាតអនាម័យបរិស្ថានឆ្នេរសមុទ្រឱ្យបានល្អ​ ដើម្បីរួមចំណែកថែរក្សាការពារឆ្នេរសមុទ្រដ៏ស្រស់ស្អាតរបស់ខេត្តព្រះសីហនុយើង​៕

អត្ថបទទាក់ទង