ខ្មែរប៉ុស្ដិ៍ Close

អាកាសធាតុនឹងចុះត្រជាក់ ចាប់ពីថ្ងៃទី២៥-២៧ ខែមករា ឆ្នាំ២០១៩នេះ

ដោយ៖ សន ប្រាថ្នា ​​ | ថ្ងៃសុក្រ ទី១៨ ខែមករា ឆ្នាំ២០១៩ ព័ត៌មានទូទៅ 1616
អាកាសធាតុនឹងចុះត្រជាក់ ចាប់ពីថ្ងៃទី២៥-២៧ ខែមករា ឆ្នាំ២០១៩នេះអាកាសធាតុនឹងចុះត្រជាក់ ចាប់ពីថ្ងៃទី២៥-២៧ ខែមករា ឆ្នាំ២០១៩នេះ

ក្រសួងធនធានទឹក និងឧតុនិយម បានឲ្យដឹងថា បន្ទាប់ពីបានតាមដានលើស្ថានភាព អាកាសធាតុរួចមកឃើញថា នៅថ្ងៃទី២៤-២៧ ខែមករា ឆ្នាំ២០១៩ ជ្រលងសម្ពាធខ្ពស់ នឹងបង្កើនឥទ្ធិពលខ្លាំងមកលើកម្ពុជា។ នេះបើតាមសេចក្តីជូនដំណឹង ស្តីពីការចុះត្រជាក់លើកទី២ របស់ក្រសួងធនធានទឹក។

សេចក្តីជូនដំណឹងនេះ បានបញ្ជាក់ថា «លក្ខណៈបែបនេះ នឹងបង្កឲ្យធាតុអាកាសនៅកម្ពុជា ចុះត្រជាក់ជាថ្មីម្តងទៀត ចាប់ពីថ្ងៃទី២៥-២៧ ខែមករា ពិសេសនៅតំបន់ជួរភ្នំខេត្តមណ្ឌលគិរី និងខេត្តព្រះវិហារ ដែលសីតុណ្ហភាពអប្បបរមា អាចនឹងធ្លាក់ចុះមក នៅក្នុងរង្វង់ពី១៧-១៩ អង្សាសេ»។

ជាមួយគ្នានោះ ក្រសួងធនធានទឹក ក៏សូមអំពាវនាវដល់ប្រជាពលរដ្ឋ ជាពិសេសវីរកងទ័ព ដែលឈរជើងនៅតំបន់ជួរភ្នំដងរែក និងនៅខ្ពង់រាបភាគឦសាន ប្រុងប្រយ័ត្នចំពោះអាកាសធាតុ ដែលចុះត្រជាក់នេះ ៕

អត្ថបទទាក់ទង