លោកនាយករដ្ឋមន្ត្រីហ៊ុន សែន: បញ្ជាក់អំពីផលដែលទទួលបាន គឺកើតចេញពីយុទ្ធសាស្រ្តនៃនយោបាយឈ្នះឈ្នះរបស់រាជរដ្ឋាភិបាល
លោកនាយករដ្ឋមន្ត្រីហ៊ុន សែន: បញ្ជាក់អំពីផលដែលទទួលបាន គឺកើតចេញពីយុទ្ធសាស្រ្តនៃនយោបាយឈ្នះឈ្នះរបស់រាជរដ្ឋាភិបាលលោកនាយករដ្ឋមន្ត្រី ហ៊ុន សែន បានថ្លែងថា ផលដែលយើងទទួលបាន ពីនយោបាយឈ្នះឈ្នះ បង្កើតបានសម្រេចជោគជ័យនូវ យុទ្ធសាស្រ្ត៣យ៉ាងធំៗ រួមមាន៖ ទី១ បានប្រែក្លាយអតីតតំបន់សមរភូមិ ទាំងអស់ ឱ្យក្លាយទៅជាតំបន់មានសុខសន្តិភាព ការអភិវឌ្ឍន៌ និងទីផ្សារ។ ទី២ ប្រែក្លាយនូវខ្សែព្រំដែនជាមួយប្រទេសជិតខាងឱ្យទៅជាព្រំដែនសន្តិភាព មិត្តភាព សហប្រតិបត្តិការ និងការអភិវឌ្ឍ ។ និងទី៣ ការតភ្ជាប់ផ្លូវផ្ទៃក្នុងប្រទេស និងការតភ្ជាប់ផ្លូវទំនាក់ទំនងជាមួយប្រទេសជិតខាង។
លោកនាយករដ្ឋមន្ត្រី ហ៊ុន សែន បានថ្លែងដូចនេះ នៅថ្ងៃទី២២ ខែមេសា ឆ្នាំ២០១៩ ក្នុងឱកាសអញ្ជើញជាអធិបតីរួមគ្នាកម្ពុជា-ថៃក្នុងពិធីចាក់បេតុង តភ្ជាប់មុខតំណស្ពានមិត្តភាពកម្ពុជា-ថៃ (ច្រកព្រំដែនស្ទឹងបត់-បានណងអៀន)។
លោកនាយករដ្ឋមន្ត្រី ហ៊ុន សែន បានថ្លែងបន្ថែមថា ដោយសារយើងបានធ្វើការ តភ្ជាប់ផ្លូវផ្ទៃក្នុងប្រទេសបានហើយ ទើបយើងមានលទ្ធភាពតភ្ជាប់ផ្លូវជាមួយប្រទេសជិតខាងរួមមានថៃ កម្ពុជា ទ្បាវ។ ដូច្នេះអាចសរុបបានថា យើងបានធ្វើការតភ្ជាប់ទាំងផ្លូវគោក ទាំងផ្លូវដែក ទាំងផ្លូវទឹក និងផ្លូវអាកាស នេះជាជោគជ័យដែលរុញឱ្យកម្ពុជាដំណើរការ សេដ្ឋកិច្ចប្រព្រឹត្តទៅបានយ៉ាងល្អប្រសើរ៕
