បទអត្ថាធិប្បាយ៖ មុខមាត់អាយ៉ងយួនរបស់ សម រង្ស៊ី ត្រូវបានបង្ហាញកាន់តែច្បាស់!
បទអត្ថាធិប្បាយ៖ មុខមាត់អាយ៉ងយួនរបស់ សម រង្ស៊ី ត្រូវបានបង្ហាញកាន់តែច្បាស់!តាមរយៈវីដេអូនៃការធ្វើបាតុកម្មកន្លងទៅថ្មីៗនេះ នៅសហរដ្ឋអាមេរិកកាលពីថ្ងៃទី១៧ ខែកក្កដា ឆ្នាំ២០១៩ ដែលដឹកនាំដោយទណ្ឌិត សម រង្ស៊ី និងគូកន ត្រូវបានប្រជាពលរដ្ឋកម្ពុជាមើលឃើញកាន់តែច្បាស់ពីក្រយ៉ៅ និងមុខមាត់ជាអាយ៉ងយួនរបស់ទណ្ឌិតរត់ចោលស្រុក និងគូកនរបស់គេយ៉ាងពិតប្រាកដ។ នេះជាភស្តុតាងមួយថ្មីទៀតកាន់តែរឹងមាំបញ្ជាក់ពីអំពើក្បត់ជាតិរបស់ក្រុមឧទ្ទាមក្រៅច្បាប់ដែលបានបន្តឃុបឃិតជាមួយកូនយួន កុក ស មេដឹកនាំជនជាតិភាគតិចយួន ដេហ្គា។
គួររំលឹកថា កាលពីថ្ងៃទី១៣ ខែមេសា ឆ្នាំ២០១៣ ទណ្ឌិតក្បត់ជាតិ សម រង្ស៊ី បានលួចចុះកិច្ចសន្យាកាត់ទឹកដីខ្មែរនៅភាគឥសាន្តចំនួន៤ខេត្ត គឺខេត្តក្រចេះ ស្ទឹងត្រែង មណ្ឌលគីរី រតនគីរី ឱ្យទៅអតីមេដឹកនាំយួនសេរីដេហ្គា គឺលោក កុក ស ជាថ្នូរនឹងការជួយជ្រោមជ្រែងទាំងហិរញ្ញវត្ថុ និងកំលាំង ដើម្បីផ្តួលរំលំរាជរដ្ឋាភិបាល ដែលអាចធ្វើឱ្យអតីតបក្សប្រឆាំងបានឡើងកាន់អំណាច។
ទោះបីបច្ចុប្បន្ននេះមេដឹកនាំយួនដេហ្គាឈ្មោះកុក ស បានស្លាប់ទៅហើយក្តីក៏ប៉ុន្តែផែនការក្បត់ជាតិកាត់ទឹកដីខ្មែរនៅភាគឥសាន្តមិនបានបញ្ចាប់នោះទេ ផ្ទុយទៅវិញជនក្បត់ជាតិតត្រកូល សម រង្ស៊ីនៅតែបន្តសហការយ៉ាងស្អិតល្មួតជាមួយមេដឹកនាំយួនដេហ្គាជំនាន់ថ្មីស្នងតំណែងដដែល។ ភស្តុតាងជាក់ស្តែងនៃសកម្មភាពក្បត់ជាតិនេះ គឺបានបង្ហាញនៅក្នុងបាតុកម្មដែលដឹកនាំដោយជនក្បត់ជាតិ តត្រកូលរូបនេះ និងបក្ខពួក ព្រមទាំងមានវត្តមានរបស់មេដឹកនាំយួនស្នងតំណែងឈ្មោះ ដានីញ៉ែល ស នៅសហរដ្ឋអាមេរិកកាលពីថ្ងៃទី១៧ កក្កដា កន្លងទៅនេះ ដែលបាតុករចូលរួមធ្វើបាតុកម្មភាគច្រើនគឺជាពួកយួនដេហ្គា ដែលគេហៅថាពួកម៉ុងតាញ៉ានោះឯង។
ដានីញ៉ែល ស គឺជាកូនបង្កើតរបស់ កុក ស ហើយបច្ចុប្បន្នជាមេដឹកនាំយួនដេហ្គាជំនាន់ថ្មីស្នងតំណែង មានសញ្ជាតិយួនផង អាមេរិកផង ដែលមានកំណើតនៅខេត្ត យ៉ាឡាយ ប្រទេសវៀតណាម ហើយពេលនេះកំពុងរត់ភៀសខ្លួនពីការតាមចាប់របស់អាជ្ញាធរវៀតណាមទៅរស់នៅសហរដ្ឋអាមេរិក។ នៅក្នុងការធ្វើបាតុកម្មនៅសហរដ្ឋអាមេរិកកាលពីថ្ងៃទី១៧ ខែកក្កដា នោះ ដានីញ៉ែល ស បានប្រកាសជាចំហនៅក្នុងហ្វូងបាតុកម្មនោះថាពួកគេនៅតែបន្តគាំទ្រទង្វើក្បត់ជាតិរបស់ សម រង្ស៊ី ដដែល ដើម្បីពួកគេបានទទួលសិទ្ធិរស់នៅប្រទេសកម្ពុជា និងបានកាន់កាប់ខេត្តទាំង៤នៅភាគឦសាន្តនោះនៅពេលដែលអតីតបក្សប្រឆាំងបានឈ្នះឆ្នោតឡើងកាន់អំណាច។ ម្យ៉ាងទៀត វត្តមានរបស់ ដានីញ៉ែល ស នៅពេលនោះក៏ជាការព្រមាន និងរំលឹកដល់ជនក្បត់ជាតិ សម រង្ស៊ី កុំឱ្យបំភ្លេចនូវកិច្ចសន្យាក្នុងការកាត់ទឹកដីខ្មែរ៤ខេត្តនោះទៅឱ្យពួកគេឱ្យសោះ បើទោះបីជាឪពុករបស់គេបានស្លាប់ទៅហើយក្តី។ ការបង្ហាញនូវឥរិយាបថរណបបរទេសរបស់ជនក្បត់ជាតិនេះ គឺបានបញ្ជាក់យ៉ាងច្បាស់ថា ដើម្បីចង់បានអំណាច ជនបំផ្លាញជាតិឯង និងបក្ខពួកមិនញញើតនិងធ្វើអ្វីៗដែលផ្ទុយពីរដ្ឋធម្មនុញ្ញរបស់ជាតិនោះឡើយ ជនក្បត់ជាតិរូបនេះថែមទាំងហ៊ានសន្យាបង្កើតរដ្ឋធម្មនុញ្ញថ្មីនៅពេលដែលពួកគេបានឡើងកាន់អំណាច ដើម្បីតំរូវចិត្តបរទេសនោះថែមទៀត។ ទង្វើបែបនេះ តើពួកគេសក្តិសមមានឈ្មោះជាអាយ៉ងយួនដេហ្គាដែរឬទេ?
ជនក្បត់ជាតិ សម រង្ស៊ី ដែលតែងតែអះអាងថាខ្លួនស្អប់ជនជាតិយួននោះ ការពិតគឺទណ្ឌិតរូបនេះបែរជាមានទំនាក់ទំនងយ៉ាងជិតស្និត និងបានអនុវត្តនូវផែនការក្បត់ជាតិឯង ក្បត់រដ្ឋធម្មនុញ្ញរបស់ប្រទេសយ៉ាងងងើលជាមួយពួកយួនដេហ្គាទៅវិញ។ នេះប្រហែលមកពីសណ្តាននិងឈាមជ័ររបស់គាត់ដែលមានម្តាយជាជនជាតិយួនស្រាប់ ទើបធ្វើឱ្យទណ្ឌិតរូបនេះស្រវាចាប់យកពួកជនជាតិយួនដេហ្គាទាំងនោះមកធ្វើជាបង្អែកបែបនេះ។
ដូច្នេះ សកម្មភាព និងទង្វើឃុបឃិតជាមួយមេដឹកនាំយួនដេហ្គាស្នងតំណែងនាពេលថ្មីៗនេះ គឺជាភស្តុតាងបន្ថែមទៀតបញ្ជាក់ជូនដល់ពលរដ្ឋខ្មែរក៏ដូចជាស្ថាប័នអនុវត្តច្បាប់អំពីទង្វើក្បត់ជាតិ កាន់តែច្បាស់ក្នុងការលក់អធិបតេយ្យជាតិ និងការឱនក្បាលបំរើបរទេសរបស់ជនក្បត់ជាតិ សម រង្ស៊ី និងបក្ខពួក ដែលមិនអាចប្រកែកបានឡើយ។ ជាងនេះទៀត ទណ្ឌិតរូបនេះក៏ធ្លាប់បានសារភាពពីទង្វើក្បត់ជាតិរបស់ខ្លួនកាលពីថ្ងៃទី៣ ខែកញ្ញា ឆ្នាំ២០១៨ ផងដែរថាខ្លួនពិតជាបានចុះកិច្ចសន្យាប្រគល់ទឹកដីខ្មែរដើម្បីអនុញ្ញាត្តឱ្យជនជាតិភាគតិចយួនអាចរស់នៅដោយស្របច្បាប់ ជាមួយមេដឹកនាំយួនដេហ្គាពិតមែនទៀតផង។
ជារួម ក្រៅពីភស្តុតាងដែលតុលាការកំពូលបានរកឃើញ និងសំរេចរំលាយអតីតបក្សប្រឆាំងចោលពីបទឃុបឃិតជាមួយបរទេសក្នុងការចង់ផ្តួលរំលំរាជរដ្ឋាភិបាលស្របច្បាប់ ដែលកើតចេញពីការបោះឆ្នោតនាពេលកន្លងទៅ ឥឡូវនេះក៏មានភស្តុតាងថ្មីបន្ថែមទៀតពីអំពើឃុបឃិតនិងបន្តសហការជាមួយជនជាតិយួនដេហ្គាបន្តវេនក្នុងការចុះហត្ថលេខាកាត់ទឹកដីកម្ពុជា នៅភាគឦសាន្តចំនួន៤ខេត្តបន្ថែមទៀត។ ដូច្នេះ ការចាត់វិធានការច្បាប់ដោយតុលាការកំពូលក្នុងការរំលាយអតីតបក្សប្រឆាំងកាលពីពេលកន្លងទៅគឺពិតជារឿងដ៏ត្រឹមត្រូវ ហើយការបន្តចាត់វិធានការច្បាប់បន្ថែមទៀតចំពោះជនក្បត់ជាតិតត្រកូល និងបក្ខពួក ដែលកំពុងរត់គេចខ្លួនគឺជាការអនុវត្តដីការបស់តុលាការដ៏ត្រឹមត្រូវ និងដើម្បីបង្ហាញនូវមុខមាត់ជាអាយ៉ងយួនដេហ្គារបស់ជនក្បត់ជាតិតត្រកូល និងបក្ខពួកឱ្យប្រជាពលរដ្ឋកម្ពុជាបានមើលឃើញកាន់តែច្បាស់ថែមទៀត៕
ដោយ៖ ពង្ស សុក្រឹត្យ
