ក្រសួងធនធានទឹក បញ្ជាក់ថា ក្នុងឱកាសព្រះរាជពិធីបុណ្យអុំទូក នឹងមានផ្ទៃមេឃស្រឡះល្អ ហើយគ្មានភ្លៀងធ្លាក់ទេ
ក្រសួងធនធានទឹក បញ្ជាក់ថា ក្នុងឱកាសព្រះរាជពិធីបុណ្យអុំទូក នឹងមានផ្ទៃមេឃស្រឡះល្អ ហើយគ្មានភ្លៀងធ្លាក់ទេក្រសួងធនធានទឹក និងឧតុនិយម បាបញ្ជាក់ថា ក្នុងថ្ងៃបុណ្យឯករាជ្យជាតិ និងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ផ្ទៃមេឃមានសភាពស្រឡះល្អ មិនមានភ្លៀងធ្លាក់នោះឡើយ។ នេះបើតាម សេចក្តីជូនដំណឹងរបស់ក្រសួងធនធានទឹក ចុះនៅថ្ងៃទី០៨ ខែវិច្ឆិកា ឆ្នាំ២០១៩។
អាកាសធាតុចាប់ពីថ្ងៃទី០៩ ដល់ថ្ងៃទី១២ ខែវិច្ឆិកា នៅរាជធានីភ្នំពេញ មានស្ថានភាពដូចខាងក្រោម៖
- ថ្ងៃទី០៩ ខែវិច្ឆិកា ឆ្នាំ២០១៩៖ ពេលព្រឹក-ថ្ងៃត្រង់-យប់ ផ្ទៃមេឃមានសភាពស្រឡះ សីតុណ្ហភាពអប្បបរមា២៤អង្សាសេ សីតុណ្ហភាពអតិបរមា ៣០អង្សាសេ ខ្យល់បក់ពីទិសឦសានមានល្បឿនពី២-៤m/s។
- ថ្ងៃទី១០ ខែវិច្ឆិកា ឆ្នាំ២០១៩៖ ពេលព្រឹក-ថ្ងៃត្រង់-យប់ ផ្ទៃមេឃមានសភាពស្រឡះ សីតុណ្ហភាពអប្បបរមា ២៣អង្សាសេ សីតុណ្ហភាពអតិបរមា ៣១អង្សាសេ ខ្យល់បក់ពីទិសឧត្តរមានល្បឿនពី ២-៤m/s។
- ថ្ងៃទី១១ ខែវិច្ឆិកា ឆ្នាំ២០១៩៖ ពេលព្រឹក-ថ្ងៃត្រង់-យប់ ផ្ទៃមេឃមានសភាពស្រឡះ សីតុណ្ហភាពអប្បបរមា ២២អង្សាសេ សីតុណ្ហភាពអតិបរមា ៣០អង្សាសេ ខ្យល់បក់ពីទិសឧត្តរមានល្បឿនពី ១-៣m/s។
- ថ្ងៃទី១២ ខែវិច្ឆិកា ឆ្នាំ២០១៩៖ ពេលព្រឹក-ថ្ងៃត្រង់-យប់ ផ្ទៃមេឃមានសភាពស្រឡះ សីតុណ្ហភាពអប្បបរមា ២១អង្សាសេ សីតុណ្ហភាពអតិបរមា ២៧អង្សាសេ ខ្យល់បក់ពីទិសឧត្តរមានល្បឿនពី ១-៣m/s៕
