ខ្មែរប៉ុស្ដិ៍ Close

រាជរដ្ឋាភិបាល បានធ្វើកំណែទម្រង់១២ ចំណុចធំៗ នៅក្នុងវេទិការាជរដ្ឋាភិបាល និងវិស័យឯកជនលើកទី១៨ ដើម្បីធានាបរិយកាសវិនិយោគនៅកម្ពុជា

ដោយ៖ សន ប្រាថ្នា ​​ | ថ្ងៃពុធ ទី១១ ខែធ្នូ ឆ្នាំ២០១៩ ព័ត៌មានទូទៅ 1934
រាជរដ្ឋាភិបាល បានធ្វើកំណែទម្រង់១២ ចំណុចធំៗ នៅក្នុងវេទិការាជរដ្ឋាភិបាល និងវិស័យឯកជនលើកទី១៨ ដើម្បីធានាបរិយកាសវិនិយោគនៅកម្ពុជារាជរដ្ឋាភិបាល បានធ្វើកំណែទម្រង់១២ ចំណុចធំៗ នៅក្នុងវេទិការាជរដ្ឋាភិបាល និងវិស័យឯកជនលើកទី១៨ ដើម្បីធានាបរិយកាសវិនិយោគនៅកម្ពុជា

នៅរសៀលថ្ងៃទី១១ ខែធ្នូ ឆ្នាំ២០១៩ លោក ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានទទួលជួបគណៈ​ប្រតិភូនៃសមាគមជប៉ុន-កម្ពុជា (Japan-Cambodia Association) ដឹកនាំដោយលោក តាកាហាឈី ហ្វូមីអាគី (Takahashi Fumiaki) ដែលមានសរុបចំនួន ១៧ រូប។​ ជាកិច្ចចាប់ផ្ដើម លោករដ្ឋមន្ត្រី បានថ្លែងអំណ​រគុណចំពោះប្រទេសជប៉ុន និងប្រជាជនជប៉ុន ដែលតែង​តែជួយគាំទ្រដល់ប្រទេសកម្ពុជា ហើយបានរួមចំណែកដល់ការអភិវឌ្ឍប្រទេសកម្ពុជាឲ្យមានការរីកចំរើនឡើង។ តាមរយៈវិភាគទាននេះ ប្រទេសកម្ពុជាបានទទួលបាននូវសន្តិភាពពេញលេញ និងស្ថេរភាពនយោបាយ ដែលជាកត្តាចម្បងដល់ការអភិវឌ្ឍធ្វើឲ្យកម្ពុជាទទួលបាននូវអត្រា​កំណើនសេដ្ឋកិច្ចជាមធ្យម ៧% ក្នុងរយៈពេល ២ ទសវ​ត្សចុងក្រោយ ហើយបានប្រែក្លាយប្រទេសកម្ពុជាពីប្រ​ទេសទទួលបានចំណូលទាប មកជាប្រទេសទទួលបានចំណូលមធ្យមកម្រិតទាបនៅឆ្នាំ២០១៥។

ដើម្បីជ្រោមជ្រែងធុរកិច្ច និងពាណិជ្ជកម្ម ឲ្យកាន់តែមានភាពប្រកួតប្រជែង រាជរដ្ឋាភិបាល បានធ្វើការកំណែទម្រ ង់មួយចំនួន ជាពិសេសលោកនាយករដ្ឋមន្ត្រី ហ៊ុន សែន បានផ្ដល់អនុសាសន៍កំណែទម្រង់ ១២ ចំណុចធំៗ នៅ ក្នុងវេទិការាជរដ្ឋាភិបាល និងវិស័យឯកជនលើកទី១៨ នៅក្នុងខែមីនា ឆ្នាំ២០១៩ កន្លងទៅដើម្បីធានាឲ្យកម្ពុជាជាទិសដៅវិនិយោគមួយដ៏មានការទាក់ទាញ ក៏ដូចជាពង្រឹងកិច្ចសម្រួលពាណិជ្ជកម្មដល់ក្រុមហ៊ុនក្នុងស្រុក និងក្រៅប្រទេស។

ទាក់ទងនឹងទំនាក់ទំនងវិនិយោគ និងពាណិជ្ជកម្ម លោករដ្ឋមន្ត្រី បានសម្ដែងនូវសេចក្ដីរីករាយចំពោះការវិនិយោគដោយក្រុមហ៊ុនជប៉ុន ដែលជាវិនិយោគិនឈានមុខគេមួយនៅកម្ពុជា។ ការវិនិយោគប្រកបដោយគុណភាពដូច​ជាផ្សារទំនើបអ៊ីអន ក្រុមហ៊ុនមីនីប៊ែរ-មីតស៊ូមី និងមន្ទីរ​ពេទ្យសាន់រ៉ាយ បានរួមចំណែកជាមួយនឹងក្រុមហ៊ុនជប៉ុនជាច្រើនទៀត ក្នុងវិស័យដូចជាការផលិតគ្រឿងបង្គុំ អគ្គិ​សនី និងអេឡិចត្រូនិក គ្រឿងបង្គុំរថយន្ត និងសម្ភារៈបរិក្ខា​របច្ចេកទេស កសិ-ឧស្សាហកម្ម ការកែច្នៃម្ហូប​អាហា​រ សណ្ឋាគារ ទេសចរណ៍ និងធនាគារ ក្នុងការបង្កើតការងារថ្មីៗ បរិយាកាសការងារល្អ និងជំរុញការធ្វើសមាហរណកម្មកម្ពុជាទៅក្នុងខ្សែចង្វាក់តម្លៃតំបន់ និងពិភពលោក។ លោករដ្ឋមន្ត្រី ក៏បានលើកទឹកចិត្តឲ្យមានការវិនិយោគប​ន្ថែមទៀតលើវិស័យកែច្នៃ​ម្ហូបអាហារ និងកសិផល អេកូទេសចរណ៍ កម្មន្តសាលដែលមានតម្លៃខ្ពស់ អប់រំ និងបណ្ដុះបណ្ដាលវិជ្ជាជីវៈ ដែលនឹងអាចនាំមកផលប្រ​យោ​ជន៍ទៅវិញទៅមកសម្រាប់ប្រជាជននៃប្រទេសទាំងពីរ។

លោក តាកាហាឈី ហ្វូមីអាគី បានជម្រាបជូនថាក្នុងដំ​ណើរទស្សនកិច្ចលើកនេះ លោកបាននាំមកនូវក្រុមហ៊ុនជប៉ុនមួយចំនួន ដោយក្រុមហ៊ុនខ្លះមានអាជីវកម្មស្រាប់នៅក្នុងស្រុក ហើយខ្លះទៀតគឺក្រុមហ៊ុនថ្មី។ លោកបានឲ្យដឹងបន្ថែមទៀតដែរថា សមាគមជប៉ុន-កម្ពុជានឹងបន្តផ្សព្វផ្សាយពីកម្ពុជាទៅកាន់សមាជិកបន្ថែមទៀត ឲ្យយល់រឹតតែច្បាស់អំពីកម្ពុជា និងទាក់ទាញសហគ្រាសធុនតូច និងមធ្យមជប៉ុនដែលមានបច្ចេកវិទ្យាខ្ពស់ ដើម្បីមកវិនិ​យោគ និងផ្ទេរចំណេះដឹងមកកម្ពុជា។​ ក្រៅពីនេះ ក្រុម ហ៊ុនជប៉ុនមួយចំនួនដែលមានវត្តមានក្នុងកិច្ចប្រជុំ បានជម្រាបជូនអំពីគម្រោងការក្នុងការវិនិយោគនៅកម្ពុជា ដូចជាក្នុងវិស័យថាមពល សូត្រមាស និងគ្រឿងសម្អាងធ្វើពីដង្កូវនាង និងហេដ្ឋារចនាសម្ព័ន្ធផ្លូវដែកផងដែរ។

មុននឹងបញ្ចប់ លោករដ្ឋមន្ត្រី បានសង្កត់ធ្ងន់ជូនដល់ស​មាគមជប៉ុន-កម្ពុជាឲ្យចាំទុកក្នុងចិត្តថា ការវិនិយោគនៅប្រទេសកម្ពុជា គឺមិនមែនបម្រើតែទីផ្សារកម្ពុជាប៉ុណ្ណោះទេ គឺបម្រើដល់ទីផ្សារអាស៊ី អឺរ៉ុប អាមេរិក និងទីផ្សារដទៃ​ទៀត តាមរយៈការធ្វើសមាហរណកម្មរបស់កម្ពុជាទៅ​កាន់ទីផ្សារទាំងនោះ តាមរយៈកិច្ចព្រមព្រៀងពាណិជ្ជកម្មពហុភាគី និងទ្វេភាគីនៅពេលអនាគត៕

អត្ថបទទាក់ទង