មានការបាញ់រះកើតឡើងក្នុងក្រុងបាងកកនាព្រហាមថ្ងៃបុណ្យនៃសេចក្ដីស្រលាញ់នេះ

មានការបាញ់រះកើតឡើងក្នុងក្រុងបាងកកនាព្រហាមថ្ងៃបុណ្យនៃសេចក្ដីស្រលាញ់នេះ

តាមការអោយដឹងពីសារព័ត៌មានបាងកកប៉ុស្តិ៍ មានការបាញ់បោះមួយកើតឡើងនៅម្ដុំលក់សម្លៀកបំពាក់ក្នុងសង្កាត់មួយនៃស្រុក Pathumwan ក្រុងបាងកក ប្រទេសថៃ។

សូមជម្រាបថា នេះជាករណីបាញ់បោះថ្មីមួយទៀត បន្ទាប់ពីមានការបាញ់រះយ៉ាងសម្បើម សម្លាប់មនុស្ស ២៩នាក់ នៅខេត្តនគរាជសីមាកាលពីសប្ដាហ៍មុន។

សមត្ថកិច្ចថៃបានឡោមព័ទ្ធទីតាំងដែលមានការបាញ់បោះនោះ ដែលមិនឆ្ងាយប៉ុន្មានពីប៉ុស្តិ៍ប្រចាំការរបស់ខ្លួន។ មានសេចក្ដីរាយការណ៍មកថា មានបុរសម្នាក់បានចាប់ផ្ដើមបាញ់ចេញពីហាងរបស់គាត់នៅវេលាម៉ោង ៤ទាបភ្លឺ ម៉ោងនៅក្នុងប្រទេសថៃ។

តម្រួតថៃបានអោយដឹងថា បរុសដែលបានបើកការបាញ់បោះនោះ មានអាយុប្រមាណ ៤០ឆ្នាំ។ គាត់បានបាញ់ទៅលើអាកាស ដោយសារតប់ប្រម៉ល់នឹងបញ្ហាគ្រួសារ ហើយថាពុំមាននរណាម្នាក់រងរបួសពីការបាញ់បោះនេះទេ៕