ខ្មែរប៉ុស្ដិ៍ Close

ចិន នាំយកសម្ភារៈពេទ្យមកជួយកម្ពុជា ភ្ជាប់ជាមួយពាក្យស្លោកថា « ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក »

ដោយ៖ សន ប្រាថ្នា ​​ | ថ្ងៃចន្ទ ទី២៣ ខែមីនា ឆ្នាំ២០២០ ព័ត៌មានទូទៅ 2625
ចិន នាំយកសម្ភារៈពេទ្យមកជួយកម្ពុជា ភ្ជាប់ជាមួយពាក្យស្លោកថា « ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក »ចិន នាំយកសម្ភារៈពេទ្យមកជួយកម្ពុជា ភ្ជាប់ជាមួយពាក្យស្លោកថា « ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក »

នៅព្រឹកថ្ងៃទី២៣ ខែមីនា ឆ្នាំ២០២០នេះ ក្រុមគ្រូពេទ្យជំនាញចិន៧នាក់ បានចាកចេញពីប្រទេសចិន តាមជើងយន្តហោះពិសេស មកកាន់ប្រទេសកម្ពុជានៅម៉ោងប្រមាណ៨៖៣០នាទី ដើម្បីចូលរួមចែករំលែកបទពិសោធន៍ ពាក់ព័ន្ធនឹងការព្យាបាលជំងឺកូវីដ-១៩ ដល់ក្រុមគ្រូពេទ្យកម្ពុជា។

ក្រុមគ្រូពេទ្យចិនដែលមកកម្ពុជានេះ មិនមែនមកតែមនុស្សនោះទេ ពួកគេព្រមទាំងបាននាំមកនូវសម្ភារៈបរិក្ខាពេទ្យមកជាមួយផងដែរ ហើយអ្វីដែលពិសេសជាងនេះទៅទៀត គឺនៅគ្រប់សម្ភារៈបរិក្ខាពេទ្យចិនទាំងអស់ បានបំពាក់ដោយទង់ជាតិកម្ពុជា-ចិន ជាមួយនឹងពាក្យស្លោកថា ជួយគ្នាក្នុងគ្រាក្រស្គាល់មិត្តល្អក្នុងគ្រាលំបាក។

គួររម្លឹកថា កម្ពុជា គឺជាប្រទេសដែលមានមេដឹកនាំក្លាហាន ហ៊ានទៅបំពេញទស្សនកិច្ចនៅប្រទេសចិនមុនគេបង្អស់ ចាប់តាំងពីប្រទេសនេះបានផ្ទុះជំងឺកូវីដ-១៩ ដែលធ្វើឲ្យពិភពលោកមានការខ្លាចរអា។

គួរបញ្ជាក់ថា គិតរហូតត្រឹមព្រឹកថ្ងៃទី២៣ ខែមីនា ឆ្នាំ២០២០នេះ កម្ពុជាបានរកឃើញអ្នកឆ្លងជំងឺកូវីដ-១៩ ចំនួន៨៤ករណីហើយក្នុងនោះមាននារី ២១នាក់ និងបុរស៦៣នាក់។ ក្នុងចំណោមអ្នកឆ្លងជំងឺនេះមានជនជាតិខ្មែរចំនួន ៣៣នាក់ និងបរទេស ៥១នាក់ ខណៈមានមនុស្សពីរនាក់ត្រូវបានព្យាបាលឱ្យជាសះស្បើយ៕

អត្ថបទទាក់ទង