ខ្មែរប៉ុស្ដិ៍ Close

ឯកឧត្តម ហ៊ុន ម៉ាណែត លើកឡើងថា នេះជាពេលដែលត្រូវពង្រឹងស្មារតី ដើម្បីរួមកម្លាំងសាមគ្គីគ្នា បិទបញ្ចប់ព្រឹត្តការណ៍សហគមន៍ ២០កុម្ភៈ

ដោយ៖ ប្រាជ្ញ សុវណ្ណរ៉ា ​​ | ថ្ងៃអង្គារ ទី១៦ ខែមីនា ឆ្នាំ២០២១ ផ្ទះហ្វេសប៊ុក 2032
ឯកឧត្តម ហ៊ុន ម៉ាណែត លើកឡើងថា នេះជាពេលដែលត្រូវពង្រឹងស្មារតី ដើម្បីរួមកម្លាំងសាមគ្គីគ្នា បិទបញ្ចប់ព្រឹត្តការណ៍សហគមន៍ ២០កុម្ភៈ ឯកឧត្តម ហ៊ុន ម៉ាណែត លើកឡើងថា នេះជាពេលដែលត្រូវពង្រឹងស្មារតី ដើម្បីរួមកម្លាំងសាមគ្គីគ្នា បិទបញ្ចប់ព្រឹត្តការណ៍សហគមន៍ ២០កុម្ភៈ

(ភ្នំពេញ)៖ ឯកឧត្តម ហ៊ុន ម៉ាណែត បានអំពាវនាវដល់កងកម្លាំងគ្រប់ប្រភេទ មន្រ្តីរាជការ សង្គមស៊ីវិល និងប្រជាពលរដ្ឋទាំងអស់ មានភាពម្ចាស់ការខ្លួនឯង ដោយទៅធ្វើការពិគ្រោះ ជាមួយមន្ត្រីសុខាភិបាល ប្រកបដោយភាពស្មោះត្រង់ អង់អាចក្លាហាន មិនមានការលាក់លៀម ឬអៀនខ្មាស់ បើមានអាការៈគួរសង្ស័យណាមួយកើតទ្បើង ដើម្បីចូលរួមចំណែកជាមួយរាជរដ្ឋាភិបាល ដើម្បីឈានដល់ការបិទបញ្ចប់ព្រឹត្តការណ៍សហគមន៍ ២០កុម្ភៈ ក្នុងការទប់ស្កាត់នូវការរីករាលដាលនៃជំងឺកូវីដ-១៩នេះ។

ឯកឧត្តម បានគូសបញ្ជាក់ថា នេះជាដំណាក់កាលលំបាកដែលត្រូវការចូលរួមពីកងកម្លាំងប្រជាការពារ កងនគរបាលជាតិកងរាជអាវុធហត្ថ បានចូលរួមយ៉ាងសកម្ម នៅក្នុងការអនុវត្តភារកិច្ចរបស់ខ្លួន នៅក្នុងប្រតិបត្តិការគ្រប់គ្រងតំបន់ចត្តាទ្បីស័ក ក្នុងស្ថានការណ៍ចាំបាច់កើតទ្បើង ដែលទាមទារឲ្យមានកម្លាំងជំនួយបន្ថែម ក្នុងការការពារការបន្តឆ្លងរាលដាលទៅក្នុងសហគមន៍ និងសង្គមគ្រួសារ។

ឯកឧត្តម ហ៊ុន ម៉ាណែត បានបន្តថាជាក់ស្តែង ដើម្បីធានាបាននូវការជាសះស្បើយ សម្រាប់អ្នកជំងឺគ្រប់រូប ទោះបីជាជំងឺកូវីដ-១៩បានបំប្លែងខ្លួន យ៉ាងក៏ដោយ ក៏យើងបន្តរក្សានូវការប្រឹងប្រែង និងប្រុងប្រយ័ត្នខ្ពស់ ព្រោះសន្ទុះនៃការឆ្លង បានកើនទ្បើងគួរឱ្យចាប់អារម្មណ៍ ក្នុងរយៈពេលប៉ុន្មានសប្តាហ៍ចុងក្រោយនេះ ហើយមានទាំងករណីនាំចូល និងទាំងករណីរីករាលដាលក្នុងសហគមន៍តែយើងមិនបានបាត់នូវភាពម្ចាស់ការ ក្នុងការគ្រប់គ្រង និងព្យាបាលទ្បើយ ហើយថែមទាំងបន្តយកចិត្តទុកដាក់កើនទ្បើង ក្នុងការទប់ស្កាត់ កុំឱ្យមានការរីករាលដាលខ្លាំងជាងនេះទៀត ជាពិសេសក្នុងអំទ្បុងពេលបុណ្យចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់ នាពេលខាងមុខ៕

អត្ថបទទាក់ទង