ក្រសួងសុខាភិបាល បន្តរកឃើញអ្នកឆ្លងកូវីដ-១៩ ចំនួន ១០៥នាក់ ខណៈអ្នកជំងឺចំនួន ៤នាក់ជាសះស្បើយ
ក្រសួងសុខាភិបាល បន្តរកឃើញអ្នកឆ្លងកូវីដ-១៩ ចំនួន ១០៥នាក់ ខណៈអ្នកជំងឺចំនួន ៤នាក់ជាសះស្បើយនៅព្រឹកថ្ងៃទី៣០ ខែមីនា ឆ្នាំ២០២១នេះ ក្រសួងសុខាភិបាល បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកឆ្លងកូវីដ-១៩ ថ្មីចំនួន ១០៥នាក់ ខណៈអ្នកជាសះស្បើយមានចំនួន ០៤នាក់។
ក្រសួងបានបញ្ជាក់ថា ក្នុងចំណោមអ្នកឆ្លងកូវីដ-១៩ ថ្មីចំនួន ១០៥នាក់នោះ មាន១០៤នាក់ជាករណីពាក់ព័ន្ធនឹងសហគមន៍ «ព្រឹត្តិការណ៍២០កុម្ភៈ» និង១នាក់ជាអ្នកដំណើរមកពីក្រៅប្រទេស ដែលបានរកឃើញនៅរាជធានីភ្នំពេញ(៤៥) ខេត្តព្រះសីហនុ(៣៤) ខេត្តស្វាយរៀង(១៩) ខេត្តកំពងចាម(២) ខេត្តព្រៃវែង(២) ខេត្តតាកែវ(១) ខេត្តត្បូងឃ្មុំ(១) ករណី។
ចំណែកឯ អ្នកជាសះស្បើយមានចំនួន ០៤នាក់ សុទ្ធតែជាករណីពាក់ព័ន្ធនឹងសហគមន៍ «ព្រឹត្តិការណ៍២០កុម្ភៈ»។
សូមជម្រាបថា គិតត្រឹមម៉ោង៧៖០០នាទីព្រឹកថ្ងៃទី២៩ ខែមីនា ឆ្នាំ២០២១នេះ កម្ពុជារកឃើញអ្នកឆ្លងកូវីដ-១៩ សរុប ២៣៧៧នាក់ ក្នុងនោះព្យាបាលជាសះស្បើយចំនួន ១១៧៦នាក់, កំពុងសម្រាកព្យាបាលចំនួន ១១៨៦នាក់ និងអ្នកជំងឺ ១១នាក់បានស្លាប់៕
