យន្តហោះធ្លាក់លើផ្លូវ ស្លាប់មនុស្ស ៥នាក់គួរឲ្យរន្ធត់ (មានវីដេអូ)

ដោយ៖ សន ប្រាថ្នា | ថ្ងៃព្រហស្បតិ៍ ទី៣ ខែឧសភា ឆ្នាំ២០១៨ ព័ត៌មានទូទៅ 2515

វីដេអូដ៏រន្ធត់មួយ បង្ហាញពីយន្តហោះយោធាមួយគ្រឿងបានធ្លាក់មកលើផ្លូវ ហាយវ៉េ (Highway) ក្នុងប្រទេស Georgia។

មុនពេលកើតហេតុ យន្តហោះយោធាមួយគ្រឿងឈ្មោះ The C-130 Hercules បានហោះចេញពីអាកាសយានដ្ឋានអន្តរជាតិ Hilton Head បន្តិច ក៏ស្រាប់តែធ្លាក់មកលើផ្លូវ ហាយវ៉េ ២១ វេលាម៉ោង ១១ និង៣០នាទីព្រឹកតែម្ដង។ អាជ្ញាធរឲ្យដឹងថា ជាសំណាងល្អយន្តហោះនេះមិនធ្លាក់ចំរថយន្តណាមួយដែលកំពុងបើកបរលើផ្លូវនោះទេ។ យ៉ាងណាក៏ដោយ ហេតុការណ៍នេះបានសម្លាប់យោធាទាំង ៥ នាក់ក្នុងយន្តហោះ។

សាក្សីម្នាក់ដែលឃើញហេតុការណ៍ បានថតវីដេអូយន្តហោះធ្លាក់ទាំងស្រុងដ៏គួរឲ្យរន្ធត់ហើយបានចែកចាយទៅកាន់បណ្ដាញសង្គមផងដែរ។ ទោះយ៉ាងណាក៏ដោយ គេនៅមិនទាន់ដឹងមូលហេតុនៃការធ្លាក់នេះនៅឡើយទេ ខណៈប៉ូលីសកំពុងបើកការស៊ើបអង្កេតបន្ត៕