ខ្មែរប៉ុស្ដិ៍ Close

អគ្គលេខាធិការដ្ឋានរដ្ឋសភា​ជូនដំណឹងពីការជ្រើសរើសប្រធាន គ.ជ.ប ថ្មីក្រោយពេលលោក ស៊ិក ប៊ុនហុក លាលែងដោយបញ្ហាសុខភាព

ដោយ៖ លី វិទ្យា ​​ | ថ្ងៃសុក្រ ទី៤ ខែមិថុនា ឆ្នាំ២០២១ ព័ត៌មានទូទៅ 1162
អគ្គលេខាធិការដ្ឋានរដ្ឋសភា​ជូនដំណឹងពីការជ្រើសរើសប្រធាន គ.ជ.ប ថ្មីក្រោយពេលលោក ស៊ិក ប៊ុនហុក លាលែងដោយបញ្ហាសុខភាព លោក ឌឹម សុវណ្ណារុំ (ឆ្វេង), លោក ស៊ិក ប៊ុនហុក (កណ្ដាល), លោក ហង្ស ពុទ្ធា (ស្ដាំ)

ជាមួយនឹងការយល់ព្រមឱ្យលោក ស៊ិក ប៊ុនហុក លាឈប់ពីតំណែងជាប្រធាន គ.ជ.ប គណៈកម្មាធិការអចិន្រ្តៃយ៍នៃរដ្ឋសភា ក៏បានអនុម័តយល់ព្រមនូវសេចក្តីព្រាងសេចក្តីសម្រេច ស្តីពីការកំណត់បែបបទ និងនីតិវិធីនៃការជ្រើសរើសបេក្ខជនប្រធានគណៈកម្មាធិការជាតិរៀបចំការបោះឆ្នោត និងប្រគល់ភារកិច្ចជូន អគ្គលេខាធិការដ្ឋានរដ្ឋសភា ធ្វើសេចក្តីជូនដំណឹងជ្រើសរើសបេក្ខជន ជាប្រធានគណៈកម្មាធិការជាតិរៀបចំការបោះឆ្នោត ជំនួស លោក ស៊ិក ប៊ុនហុក ផងដែរ។

លោកបានបញ្ជាក់បន្ថែមថា តាមនីតិវិធីការប្រកាសជ្រើសរើសបេក្ខជនប្រធាន គ.ជ.ប ត្រូវធ្វើឡើងរយៈពេល ៥ថ្ងៃ ហើយតាមច្បាប់ គឺគណបក្សប្រជាជនកម្ពុជា ដែលឈ្នះឆ្នោត ជាអ្នកស្នើដាក់បេក្ខជន។ លោកអះអាងថា បេក្ខជនដែលត្រូវជ្រើសរើស គឺត្រូវតែមានលក្ខណៈសម្បត្តិគ្រប់គ្រាន់ តាមសេចក្តីប្រកាស។

សូមបញ្ជាក់ថា លោក ស៊ិក ប៊ុនហុក ត្រូវបានរដ្ឋសភាបោះឆ្នោតជ្រើសតាំងជាប្រធានរដ្ឋសភា កាលពីឆ្នាំ២០១៥ ក្រោយពេលការជាប់គាំងផ្នែកនយោបាយនៅកម្ពុជា ក្រោយការបោះឆ្នោតឆ្នាំ២០១៣៕

អត្ថបទទាក់ទង