ខ្មែរប៉ុស្ដិ៍ Close

សិស្សដែលមកពីតាមបណ្តាខេត្ត ដែលពុំមានកន្លែងស្នាក់នៅ អាចដាក់ពាក្យចូលរៀន នៅសាលាអ៊ីធូស្ទេម (e2stem) បាន

ដោយ៖ លី វិទ្យា ​​ | ថ្ងៃសុក្រ ទី២៣ ខែកក្កដា ឆ្នាំ២០២១ ព័ត៌មានទូទៅ 1980
សិស្សដែលមកពីតាមបណ្តាខេត្ត ដែលពុំមានកន្លែងស្នាក់នៅ អាចដាក់ពាក្យចូលរៀន នៅសាលាអ៊ីធូស្ទេម (e2stem) បានSONY DSC

ក្រសួងអប់រំ យុវជន និងកីឡា បានលើកទឹកចិត្តសិស្សានុសិស្សដែលមកពីតាមបណ្តាខេត្ត ហើយដែលពុំមានកន្លែងស្នាក់នៅ អាចដាក់ពាក្យចូលរៀននៅសាលាអ៊ីធូស្ទេម ដោយខាងសាលានឹងរៀបចំកន្លែងស្នាក់នៅជូន ដើម្បីជួយសម្រួលការលំបាក និងការចំណាយ របស់សិស្សានុសិស្ស ។

ក្រសួងអប់រំ យុវជន និងកីឡាបានឱ្យដឹងថា សាលាអ៊ីធូស្ទេម (e2stem) ដែលមានទីតាំងនៅក្នុងវិទ្យាល័យព្រះយុគន្ធរក្នុងរាជធានីភ្នំពេញ គឺជាសាលា ដែលបានទទួលការទ្រទ្រង់ពី ក្រសួងអប់រំ យុវជន និងកីឡា នៃព្រះរាជាណាចក្រកម្ពុជា។ ក្រសួងអប់រំបន្ដថា ដោយបច្ចុប្បន្ន ៦១% នៃសិស្សរបស់សាលាអ៊ីធូស្ទេមទាំងអស់គឺជាសិស្សមកពីតាមបណ្តាខេត្ត។ ដូចនេះសាលាលើកទឹកចិត្តសិស្សានុសិស្សដែលមកពីតាមបណ្តាខេត្ត ក្នុងការដាក់ពាក្យចូលរៀន ដោយសិស្សមកពីតាមបណ្តាខេត្ត ដែលពុំមានកន្លែងស្នាក់នៅ សាលានឹងរៀបចំកន្លែងស្នាក់នៅជូន ។

ប្រភពដដែលបានឱ្យដឹងទៀតថា ការទទួលពាក្យចុះឈ្មោះចូលរៀនថ្នាក់ទី១០ ចាប់ពីថ្ងៃទី២៣ ខែវិច្ឆិកាតទៅ សម្រាប់ឆ្នាំសិក្សាថ្មី ដែលនឹងចូលរៀនថ្ងៃទី២៩ ខែវិច្ឆិកា ឆ្នាំ២០២១ ខាងមុខនេះ។

ក្រសួងអប់រំ បញ្ជាក់ថា បើសិស្សានុសិស្សមានបំណងចង់ដាក់ពាក្យចូលរៀន សូមចុះឈ្មោះនៅលើគេហទំព័ររបស់យើង៖ http://e2stem.org.kh/admissions និងសម្រាប់ព័ត៌មានបន្ថែម សូមទាក់ទងទូរស័ព្ទលេខៈ 017 492 217៕

អត្ថបទទាក់ទង