កាកបាទក្រហមខេត្តស្វាយរៀង នាំយកអំណោយទៅជួយសម្រាលការលំបាកដល់ប្រជាពលរដ្ឋរងគ្រោះ ដោយសារខ្យល់កន្ត្រាក់
កាកបាទក្រហមខេត្តស្វាយរៀង នាំយកអំណោយទៅជួយសម្រាលការលំបាកដល់ប្រជាពលរដ្ឋរងគ្រោះ ដោយសារខ្យល់កន្ត្រាក់នៅថ្ងៃទី២០ ខែកញ្ញា ឆ្នាំ ២០២១ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយលោកស្រី ដួង វណ្ណា ប្រធានកិត្តិយសសាខា រួមដំណើរដោយលោកស្រី ពៅ សុភាព ហេរញ្ញឹកគណៈកម្មាធិការសាខា និងសហការី បានចុះសួរសុខទុក្ខ និងនាំយកអំណោយមនុស្សធម៌ យកទៅជួយសម្រាលការលំបាកដល់ប្រជាពលរដ្ឋរងគ្រោះ ដោយសារខ្យល់កន្ត្រាក់កាលពីថ្ងៃទី១៨ ខែកញ្ញា ឆ្នាំ២០២១ បណ្ដាលឲ្យខូចខាតផ្ទះប្រជាពលរដ្ឋចំនួន ១២ខ្នង ក្នុងនោះខូចខាតធ្ងន់ ១ខ្នង មធ្យម ៣ខ្នង និងខូចខាតស្រាល ៨ខ្នង ក្នុងឃុំសំរោង ស្រុកចន្ទ្រា។
អំណោយចែកជូនគ្រួសាររងគ្រោះធ្ងន់ ១ គ្រួសារទទួលបាន៖ អង្ករ ៣០គីឡូក្រាម ក្រណាត់កៅស៊ូតង់ ១ ធុងទឹកជ័រ ១ ឆ្នាំងបាយសម្លរ ២ មី ១ កេស ត្រីខកំប៉ុង ១០ កំប៉ុង ទឹកស៊ីអ៊ីវ ៦ ដប កន្ទេលជ័របត់ ១ ឃីត ១ កញ្ចប់ (ភួយ,មុង,សារុង,ក្រមា) ថវិកាចំនួន ២០០,០០០ រៀល។
ដោយឡែក គ្រួសាររងគ្រោះមធ្យម ៣ គ្រួសារ ក្នុង ១ គ្រួសារទទួលបាន៖ អង្ករ ៣០ គីឡូក្រាម មី ១ កេស ត្រីខកំប៉ុង ១០ កំប៉ុង ទឹកស៊ីអ៊ីវ ៦ ដប កន្ទេលបត់១ ឃីត ១កញ្ចប់ (ភួយ,មុង,សារុង,ក្រមា) ថវិកាចំនួន ៥០,០០០ រៀល។
និងសម្រាប់គ្រួសាររងគ្រោះស្រាល៨ គ្រួសារ ក្នុង ១គ្រួសារទទួលបានថវិកា ៦០,០០០ រៀល៕
