អាជ្ញាធររាជធានីភ្នំពេញជូនដំណឹងដល់ពលរដ្ឋដែលរស់នៅជាប់សណ្ដស្ទឹងព្រែកត្នោតឱ្យត្រៀមសម្ភារៈ និងបន្តតាមដានស្ថានភាពទឹកជាប្រចាំ
នាថ្ងៃទី ២៥ ខែតុលា ឆ្នាំ២០២១ នេះ រដ្ឋបាលខណ្ឌដង្កោ បានចេញសេចក្ដីជូនដំណឹងមួយ ស្ដីអំពីការត្រៀមបង្កាទឹកជំនន់ស្ទឹងព្រែកត្នោតជាយថាហេតុ។
សេចក្ដីជូនដំណឹងនេះបានស្នើឱ្យពលរដ្ឋដែលកំពុងរស់នៅជាប់សណ្ដស្ទឹងព្រែកត្នោត ដែលរួមមានដូចជា៖
- សង្កាត់ដង្កោ
- សង្កាត់ព្រៃស
- សង្កាត់ព្រៃវែង
- សង្កាត់ក្រាំងពង្រ
- សង្កាត់ស្ពានថ្ម
- សង្កាត់ទៀន
- សង្កាត់សាក់សំពៅ
- សង្កាត់ជើងឯក
- សង្កាត់ព្រែកកំពឹស
- សង្កាត់គងនយ
ឱ្យត្រៀមសម្ភារៈ និងបន្តតាមដានស្ថានភាពទឹកស្ទឹងព្រែកត្នោតជាប្រចាំ ដើម្បីចៀសវាងការបាត់បង់សម្ភារៈ និងអាយុជីវិត ព្រោះបច្ចុប្បន្នទឹកស្ទឹងព្រែកត្នោតបានហក់ឡើងជាបន្តបន្ទាប់ ដែលបណ្ដាលមកពីទឹកជំនន់ផ្នែកខាងលើធ្វើឱ្យទឹកស្ទឹងព្រែកត្នោតក្នុងភូមិសាស្ត្រខណ្ឌដង្កោ មានកម្ពស់ដល់កម្រិតត្រូវប្រុងប្រយ័ត្នខ្ពស់។
