ខ្មែរប៉ុស្ដិ៍ Close

អំណោយរបស់លោកបណ្ឌិតសភាចារ្យ អ៊ុក រ៉ាប៊ុន ត្រូវចែកជូនប្រជាពលរដ្ឋជាច្រើនគ្រួសារ និងបើកការដ្ឋានជួសជុលផ្លូវប្រវែងជាង ២ពាន់ម៉ែត្រ

ដោយ៖ លី វិទ្យា ​​ | ថ្ងៃអង្គារ ទី១៦ ខែវិច្ឆិកា ឆ្នាំ២០២១ ព័ត៌មានទូទៅ 818

កំពង់ឆ្នាំង៖ លោក សាន់ យូ អភិបាលរងខេត្តកំពង់ឆ្នាំង តំណាងឱ្យលោកស៊ុន សុវណ្ណរិទ្ធិ អភិបាលខេត្ត នៅរសៀលថ្ងៃទី១៥ ខែវិច្ឆិកា ឆ្នាំ២០២១នេះ បានអញ្ជើញជាអធិបតីក្នុងពិធីចែកអំណោយមនុស្សធម៌ជូនប្រជាពលរដ្ឋចំនួន ១០០គ្រួសារ នៅក្នុងភូមិ៣ នៃសង្កាត់ផ្សារឆ្នាំង និងបើកការដ្ឋានជួសជុលផ្លូវប្រវែងជាង ២ពាន់ម៉ែត្រ នៅក្នុងភូមិទាំង៣ ខាងលើនេះ ដើម្បីជួយសម្រួលដល់ការធ្វើដំណើរ និងលើកស្ទួយជីវភាពរស់នៅរបស់ប្រជាពលរដ្ឋ។

នៅក្នុងឱកាសនេះ លោកសាន់ យូ មានប្រសាសន៍ថា អំណោយដែលផ្ដល់ជូនបងប្អូននៅ ក្នុងពេលនេះ គឺជាអំណោយរបស់ លោកបណ្ឌិតសភាចារ្យ អ៊ុក រ៉ាប៊ុន ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ឆ្នាំង ចំនួន ១០០គ្រួសារក្នុងពេលនេះ គឺមកពីភូមិចំនួន៣មាន ភូមិផ្សារលើ ភូមិផ្សារឆ្នាំង និងភូមិកោះក្របី នៃសង្កាត់ឆ្នាំង ក្រុងកំពង់ឆ្នាំង ក្នុងមួយគ្រួសារៗទទួលបាន៖ អង្ករ ៥០ គីឡូក្រាម, មីមួយកេស , ទឹកត្រី ១ យួរ,ទឹកស៊ី អ៊ីវ ១ យួរ និងត្រីខ ១០ កំប៉ុង ដើម្បីជួយដោះស្រាយការខ្វះខាតរបស់បងប្អូនប្រជាពលរដ្ឋនៅក្នុងបរិបទនៃជំងឺកូវីដ-១៩។

លោកសាន់ យូ បានមានប្រសាសន៍បន្តថា ចំពោះការជួសជុលផ្លូវនៅក្នុងមូលដ្ឋានភូមិទាំង៣របស់យើងនេះ គីលោកស៊ុន សុវណ្ណរិទ្ធិ អភិបាលខេត្តកំពង់ឆ្នាំង មានគម្រោងជួសជុលផ្លូវលំ៥ខ្សែ មានប្រវែងជាង២ពាន់ ម៉ែត្រនេះ ឱ្យក្លាយទៅជាផ្លូវបេតុង ដែលមានគុណភាពល្អ និងត្រូវចាក់ដីផ្លូវឱ្យផុតទឹកទន្លេឡើង ដែលមានកំពស់ពី១ម៉ែត្រ ទៅ ១,៥០ ម៉ែត្រ ព្រមទាំងរៀបប្រព័ន្ធលូទឹកតាមផ្លូវថ្នល់ទាំងនេះផងដែរ ដែរត្រូវចំណាយថវិកាខ្ទង់លានដុល្លារ។

ការជួយធ្វើផ្លូវទាំង៥ខ្សែខាងលើនេះបានបង្ហាញពីការយកចិត្តទុកដាក់របស់លោកអភិបាលខេត្ត និងជាប្រធានគណបក្សប្រជាជនកម្ពុជាខេត្តកំពង់ឆ្នាំង ចំពោះបងប្អូនប្រជាពលរដ្ឋនៅក្នុងមូលដ្ឋាន ដោយមិនប្រកាន់និន្នាការនយោបាយអ្វីនោះឡើយ ក្នុងស្ថាបនាសូមបងប្អូនប្រជាពលរដ្ឋមេត្តាយោគយល់ និងសហការចូលរួមដើម្បីបម្រើឱ្យផលប្រយោជន៍សាធារណៈទូទៅ។

លោក ក៏បានអំពាវនាវដល់ប្រជាពលរដ្ឋដែលគ្រប់អាយុ សូមទៅចុះឈ្មោះបោះឆ្នោតឱ្យបានទាំងអស់គ្នា និងក៏ត្រូវបំពេញកាតព្វកិច្ច ចូលរួមបោះឆ្នោតជ្រើសរើសក្រុមប្រឹក្សាឃុំសង្កាត់ដែលខ្លួនស្រឡាញ់ផងដែរ នៅក្នុងខែមិថុនា ឆ្នាំ២០២២ ដើម្បីឱ្យពួកគាត់ជួយបម្រើការងារជូនយើងនៅក្នុងមូលដ្ឋាន៕

អត្ថបទទាក់ទង