ខ្មែរប៉ុស្ដិ៍ Close

សម្តេចតេជោ ហ៊ុន សែន លើកឡើងពីចំណុចឥណនទានពិសេសរបស់មិត្តចិន

ដោយ៖ លី វិទ្យា ​​ | ថ្ងៃអង្គារ ទី២៣ ខែវិច្ឆិកា ឆ្នាំ២០២១ ព័ត៌មានទូទៅ 1139
សម្តេចតេជោ ហ៊ុន សែន លើកឡើងពីចំណុចឥណនទានពិសេសរបស់មិត្តចិនសម្តេចតេជោ ហ៊ុន សែន លើកឡើងពីចំណុចឥណនទានពិសេសរបស់មិត្តចិន

សម្តេចតេជោ ហ៊ុន សែន បានថ្លែងថា មិត្តចិនផ្តល់ឥណទានដល់កម្ពុជា ដោយគោរពទៅតាមការចង់បានរបស់កម្ពុជា នេះជាចំណុចពិសេសរបស់មិត្តចិន ដែលខុសពីឥណទានរបស់អ្នកផ្សេងៗទៀត នៅពេលកម្ពុជា ដាក់សំណើរឱ្យជួយនៅចំណុចនេះ គេបែរជាបញ្ជាឱ្យធ្វើនៅចំណុចនោះទៅវិញ ទៅតាមអ្វីដែលគេចង់បានខ្លួនឯង ដែលនាំឱ្យផ្ទុយពីការតម្រូវចង់បានរបស់កម្ពុជា។

សម្តេចតេជោ ហ៊ុន សែន ថ្លែងបែបនេះនៅព្រឹកថ្ងៃទី២៣ ខែវិច្ឆិកា ឆ្នាំ២០២១ នៅក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការ ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ខេត្តត្បូងឃ្មុំ។

សម្តេចតេជោ ហ៊ុន សែន បានថ្លែងបន្តថា ប្រទេសកម្ពុជា ស្នើសុំឱ្យមិត្តចិន បន្តជួយអភិវឌ្ឍប្រទេសកម្ពុជាបន្តទៀត ទៅលើវិស័យហេដ្ឋារចនាសម្ព័ន្ធ ដែលជាអទិភាពសំខាន់ៗ បន្ថែមទៀត ដែលសុទ្ធសឹងជាតម្រូវការចង់បានរបស់កម្ពុជា ៕