ខ្មែរប៉ុស្ដិ៍ Close

ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធស្ពាន៧កន្លែងក្នុងខេត្តក្រចេះ និងព្រៃវែង តម្លៃ៣៥លានដុល្លារ ជាជំនួយរដ្ឋាភិបាលជប៉ុន

ដោយ៖ លី វិទ្យា ​​ | ថ្ងៃពុធ ទី១៦ ខែកុម្ភៈ ឆ្នាំ២០២២ ទស្សនៈ - នយោបាយ 422
ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធស្ពាន៧កន្លែងក្នុងខេត្តក្រចេះ និងព្រៃវែង តម្លៃ៣៥លានដុល្លារ ជាជំនួយរដ្ឋាភិបាលជប៉ុន ប្រសាសន៍សំខាន់ៗរបស់សម្តេចតេជោ ហ៊ុន សែន អញ្ជើញសម្ពោធស្ពាន៧កន្លែងក្នុងខេត្តក្រចេះ និងព្រៃវែង តម្លៃ៣៥លានដុល្លារ ជាជំនួយរដ្ឋាភិបាលជប៉ុន

នៅព្រឹកថ្ងៃពុធ ទី១៦ ខែកុម្ភៈ ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញធ្វើដំណើរទៅខេត្តក្រចេះជាលើកទីពីរ សម្រាប់ខែកុម្ភៈ។ ការដំណើរអញ្ជើញចុះទៅកាន់ខេត្តក្រចេះនាព្រឹកថ្ងៃនេះ ដើម្បីធ្វើជាអធិបតីជាមួយលោក មិកាមិ ម៉ាសាហ៉ីរុ ឯកអគ្គរដ្ឋទូតជប៉ុនប្រចាំនៅកម្ពុជា សម្ពោធដាក់ឱ្យប្រើប្រាស់ស្ពាន ៧កន្លែង ស្ថិតនៅក្នុងខេត្តក្រចេះ និងព្រៃវែង ជាជំនួយរបស់រដ្ឋាភិបាលជប៉ុន តម្លៃប្រមាណ ៣៥លានដុល្លារអាមេរិក។

នៅក្នុងឱកាសសម្ពោធសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជាង១ម៉ោង, ខាងក្រោមជាខ្លឹមសារសំខាន់ៗរបស់សម្តេចតេជោ៖

  1. សម្តេចតេជោ ហ៊ុន សែន បានបង្ហាញនូវក្តីរីករាយចំពោះសមិទ្ធផលស្ពានទាំង៧កន្លែង ដែលជាជំនួយរបស់រដ្ឋាភិបាលជប៉ុន។
  2. សម្តេចតេជោ ហ៊ុន សែន បានថ្លែងថា ជាភ័ព្វសំណាងរបស់កម្ពុជា ដែលទទួលបានការយកចិត្តទុកដាក់ពីមិត្តជប៉ុន ផ្តល់ជំនួយសាងសង់ស្ពានបេតុងទាំង៧កន្លែង។
  3. សម្តេចតេជោ ហ៊ុន សែន បានថ្លែងថា បានហៅសមិទ្ធផលស្ពាននេះ កើតចេញពីទំនាក់ទំនងល្អប្រសើររវាងកម្ពុជា និងជប៉ុន។
  4. សម្តេចតេជោ ហ៊ុន សែន បានថ្លែងថា ជប៉ុន បានផ្តល់កម្ចី និងជំនួយ សម្រាប់សាងសង់ហេដ្ឋារចនាសម្ព័ន្ធជាង ១ពាន់ ៤រយលានដុល្លារ។
  5. សម្តេចតេជោ ហ៊ុន សែន បានថ្លែងថា ក្រុមប្រឆាំងតែងហៅសម្តេចមេដឹកនាំពូកែដើរសុំ តែការសុំនោះ ដើម្បីសង់ផ្លូវ ស្ពាន ដើម្បីប្រយោជន៍ប្រជាពលរដ្ឋ មិនមែនសុំយកមកបង្ហើយផ្ទះបាយរបស់សម្តេចទេ។
  6. សម្តេចតេជោ ហ៊ុន សែន បានថ្លែងថា ផ្លូវជាតិលេខ៧៣ ពីត្បូងឃ្មុំ កាត់ឆ្លូង មកទីរួមខេត្តក្រចេះ គឺជាការជំរុញរបស់លោក គាត ឈុន។
  7. សម្តេចតេជោ ហ៊ុន សែន បានថ្លែងថា អភិបាលខេត្តក្រចេះ លោក វ៉ា ថន គឺជាក្មួយប្រសាររបស់សម្តេច។ សម្តេចតេជោ បានថ្លែងថា ក្រោយតែងតាំងហើយ ទើបដឹងថាជាក្មួយប្រសារ។
  8. សម្តេចតេជោ ហ៊ុន សែន បានថ្លែងថា ការជ្រើសរើសមន្ត្រីមូលដ្ឋានជាការជ្រើសរើសរបស់ក្រសួងមហាផ្ទៃ តែក៏ត្រូវឆ្លងកាត់នាយករដ្ឋមន្ត្រីផងដែរ។
  9. សម្តេចតេជោ ហ៊ុន សែន បានថ្លែងថា ការជ្រើសរើសមន្ត្រីមូលដ្ឋានជាការជ្រើសរើសរបស់ក្រសួងមហាផ្ទៃ តែក៏ត្រូវឆ្លងកាត់នាយករដ្ឋមន្ត្រីផងដែរ។
  10. សម្តេចតេជោ ហ៊ុន សែន បានថ្លែងថា នៅឆ្នាំនេះ អនុរដ្ឋមន្ត្រីការពារជាតិរបស់ជប៉ុន មកកាន់កម្ពុជា។
  11. សម្តេចតេជោ ហ៊ុន សែន បានថ្លែងអំណរគុណចំពោះរដ្ឋាភិបាលជប៉ុន ដែលបានបញ្ជូនយន្តហោះពិសេសមកទទួលឧត្តមសេនីយ៍ឯក ហ៊ុន ម៉ាណែត មេបញ្ជាការកងទ័ពជើងគោកកម្ពុជា។
  12. សម្តេចតេជោ ហ៊ុន សែន បានថ្លែងថា នៅព្រឹកថ្ងៃពុធ ទី១៦ ខែកុម្ភៈ លោកបណ្ឌិត ហ៊ុន ម៉ាណែត ជួបពិភាក្សារការងារជាមួយនាយករដ្ឋមន្ត្រីជប៉ុន។
  13. សម្តេចតេជោ ហ៊ុន សែន បានថ្លែងថា នាយករដ្ឋមន្ត្រីជប៉ុន ៣រូបហើយ ដែលបានអនុញ្ញាតឱ្យលោកបណ្ឌិត លោក ហ៊ុន ម៉ាណែត ជួបសម្តែងការគួរសម គឺនៅឆ្នាំ២០១០, ២០១៨ និង២០២២។ សម្តេចតេជោ ហ៊ុន សែន ចាត់ទុកការអនុញ្ញាតនេះ គឺជាការបង្ហាញឱ្យឃើញនូវទំនាក់ទំនងពិសេសមួយរវាងកម្ពុជា និងជប៉ុន។
  14. សម្តេចតេជោ ហ៊ុន សែន ចង់ឱ្យមានការធ្វើយមយុទ្ធរវាងកម្ពុជា និងជប៉ុន។ តែសមយុទ្ធនោះ ធ្វើឡើងពាក់ព័ន្ធសង្គ្រោះគ្រោះមហន្តរាយ។
  15. សម្តេចតេជោ ហ៊ុន សែន អរគុណរដ្ឋាភិបាលជប៉ុន ដែលបានគាំទ្រដំណើរសម្តេចទៅកាន់មីយ៉ាន់ម៉ា។ សម្តេចតេជោ ហ៊ុន សែន បានថ្លែងថា បញ្ហារបស់មីយ៉ាន់ម៉ា មិនអាចរឹងពេក ឬទន់ពេកបាននោះឡើយ។
  16. សម្តេចតេជោ ហ៊ុន សែន បានថ្លែងថា សម្តេចគ្មានភាពចាំបាច់អីយកលុយទៅទិញពានរង្វាន់សន្តិភាពស៊ុនហាក់នោះឡើយ។ គណៈកម្មការផ្តល់ពានរង្វាន់ ក៏គ្មាននរណាអាចទិញបាននោះឡើយ។
  17. សម្តេចតេជោ ហ៊ុន សែន បានថ្លែងថា ហ្វេសប៊ុកកាន់តែអន់ទៅៗពីមួយថ្ងៃទៅមួយថ្ងៃ។
  18. សម្តេចតេជោ ហ៊ុន សែន បានថ្លែងថា សម្តេចមិនបោះបង់ចោលកិច្ចប្រឹងប្រែងដោះស្រាយបញ្ហារបស់មីយ៉ាន់ម៉ានោះឡើយ។
  19. សម្តេចតេជោ ហ៊ុន សែន បានប្រតិកម្មជាមួយអ្នកឡើងថា ដំណើរដំណើរទស្សនកិច្ចរបស់សម្តេចទៅមីយ៉ាន់ម៉ា ជាការទូតប្រថុយប្រថាន។ សម្តេចតេជោ ចោទសួរថា តើមាននរណាស្លាប់ដោយសារដំណើរទស្សនកិច្ចរបស់សម្តេចហើយឬនៅ?
  20. សម្តេចតេជោ ហ៊ុន សែន បានថ្លែងថា ប្រសិនបើនៅតែរបៀបនេះយ៉ាងហោចណាស់៥ឆ្នាំទៀត បញ្ហារបស់មីយ៉ាន់ម៉ា ដោះស្រាយមិនទាន់បានផង។ សម្តេចតេជោ ហ៊ុន សែន បានថ្លែងថា ការព្យាយាមកម្ចាត់ក្រុមយោធា មិនអាចដោះស្រាយបញ្ហាមីយ៉ាន់ម៉ាបានឡើយ។
  21. សម្តេចតេជោ ហ៊ុន សែន អំពាវនាវដល់អាជ្ញាធរគ្រប់ខេត្ត ផ្តល់បរិយាកាសឱ្យបក្សនយោបាយទទួលស្គាល់ដោយក្រសួងមហាផ្ទៃ ធ្វើសកម្មភាពនយោបាយ។ សម្តេចតេជោ ហ៊ុន សែន អំពាវនាវដល់គណបក្សនយោបាយទាំងអស់ ត្រូវគោរពតាមច្បាប់ដែលមានជាធរមាន ឬច្បាប់កំណត់ដោយគណៈកម្មាធិការជាតិរៀបចំការបោះឆ្នោត។
  22. សម្តេចតេជោ ហ៊ុន សែន បានថ្លែងថា មិនធ្វើឱ្យមានអំពហិង្សា ជម្លោះ របួស ឬការស្លាប់ ដោយសារការបោះឆ្នោតនោះទេ។
  23. សម្តេចតេជោ ហ៊ុន សែន អំពាវនាវឱ្យបន្តការខិតខំក្នុងការប្រយុទ្ធប្រឆាំងនឹងជំងឺកូវីដ-១៩។
  24. សម្តេចតេជោ ហ៊ុន សែន បានថ្លែងថា នៅថ្ងៃនេះមានអ្នកកើតកូវីដ-១៩ ចំនួន២០៤ករណី។
  25. សម្តេចតេជោ ហ៊ុន សែន បានថ្លែងថា កម្មវិធីជួបសិស្សនិទ្ទេស A និងក្រុមគ្រូពេទ្យធីតា ត្រូវបានលើកពេល ព្រោះការរាតត្បាតកូវីដ-១៩។
  26. សម្តេចតេជោ ហ៊ុន សែន បានថ្លែងថា អត្រាអ្នកទៅចាក់ដូសជំរុញមានសភាពយឺតយ៉ាវ។ សម្តេចតេជោ អំពាវនាវឱ្យពន្លឿនការចាក់ដូសជំរុញ។
  27. សម្តេចតេជោ ហ៊ុន សែន បានថ្លែងថា ទោះបីវ៉ាក់សាំងប៉ុន្មានដូសក៏ដោយ ក៏ត្រូវតែប្រកាន់គោលការណ៍ «៣ការពារ និង៣កុំ»។
  28. សម្តេចតេជោ ហ៊ុន សែន បានបញ្ចប់ការថ្លែងសុន្ទរកថានៅវេលាម៉ោង៩៖៤០នាទី នាព្រឹកថ្ងៃដដែល៕

Fresh News

អត្ថបទទាក់ទង