នៅថ្ងៃទី ២០ ខែតុលា ខាងមុខ សម្ដេចតេជោ ហ៊ុន សែន នឹងអញ្ជើញទៅខេត្តចំនួន ៤ ដោយប្រើរយៈពេល ៤យប់ ៥ថ្ងៃ
នៅថ្ងៃទី ២០ ខែតុលា ខាងមុខ សម្ដេចតេជោ ហ៊ុន សែន នឹងអញ្ជើញទៅខេត្តចំនួន ៤ ដោយប្រើរយៈពេល ៤យប់ ៥ថ្ងៃតាមរយៈទំព័រហ្វេសប៊ុកផ្លូវការ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានប្រាប់ឱ្យដឹងថា នៅថ្ងៃទី ២០ ខែតុលា ឆ្នាំ ២០២២ ខាងមុខ ពោលគឺបន្ទាប់ពីទទួលប្រធានាធិបតីទីម័រខាងកើតរួចរាល់ សម្ដេចនឹងអញ្ជើញធ្វើដំណើរទៅកាន់ខេត្តចំនួន៤ គឺខេត្តសៀមរាប បន្ទាយមានជ័យ បាត់ដំបង និងពោធិ៍សាត់ ដោយប្រើរយៈពេល ៥ថ្ងៃ ៤យប់។
សម្ដេចក៏បានគូសបញ្ជាក់ផងដែរថា ដំណើររបស់លោកលើកនេះ សំខាន់គឺលោកនឹងជួប និងដោះស្រាយជូនប្រជាជនដែលរងគ្រោះដោយជំនន់ទឹកភ្លៀង។ លោកត្រៀមខ្លួនហត់នឿយក្នុងកិច្ចការនៅផ្ទៃក្នុងប្រទេស មុននឹងហត់នឿយនឹងកិច្ចការអន្តរជាតិ ដែលរួមមានដូចជា កិច្ចប្រជុំកំពូល ASEAN កិច្ចប្រជុំកំពូល G20 និងកិច្ចប្រជុំ APEC ក្នុងខែវិច្ឆិកាខាងមុខ៕
