តើរូបិយបណ្ណអាស៊ានអាចរក្សាតម្លៃបានដែរឬទេ ខណៈពេលដែលធនាគារកណ្តាលអាមេរិកធ្វើការដំឡើងអត្រាការប្រាក់?
នៅពេលដែលធនាគារកណ្តាលអាមេរិកដំឡើងអត្រាការប្រាក់គោលរបស់ខ្លួន និងដំឡើងនៅក្នុងចំនួនមួយយ៉ាងគំហុកដូចករណីនៅពេលបច្ចុប្បន្ននេះ នោះតម្លៃប្រាក់ដុល្លារនឹងកើនឡើងធៀបនឹងរូបិយបណ្ណសកល។ ហើយបណ្តាប្រទេសដែលកំពុងតែមានឱនភាពគណនីចរន្ត ឬក៏កំពុងតែមានបន្ទុកបំណុលធំ នឹងត្រូវជួបប្រទះនឹងការធ្លាក់ចុះនៃរូបិយបណ្ណរបស់ពួកគេយ៉ាងលឿន។ ជារឿយៗ រូបិយបណ្ណរបស់ប្រទេសដែលកំពុងមានទីផ្សាររីកចម្រើន នឹងទទួលរងនូវផលប៉ះពាល់ខ្លាំងបំផុតនៅក្នុងស្ថានភាពនេះ ខណៈដែលវិនិយោគិននឹងងាកចេញពីការវិនិយោគលើទ្រព្យសកម្មដែលមានហានិភ័យ
